1.       Ai-nino nia importánsia atu kura moras:

§  Estómagu

§  Tensaun

§   Diabetes

§   Moras Rins

D. Regulamentu :

Loron ida hemu dala 3 kopu 1 dader, meudia no kalan antes atu hemu.

Kuidadu atu labele hemu arbiru de’it selae bele hetan fali moras seluk iha ita nia saúde.

E. Vantajen no dezvantajen:

Vantazen husi Ai-nino ida ne’e mak nu’udar Ai-moruk tradisionál ida ne’ebé importante ba ema nia moris, tulun ema atu kura moras barak ne’ebé ema hasoru iha nia moris, no la lakon osan atu sosa maibé bele foti de’it iha ita nia natureza ka to’os laran de’it.

 Dezvantajen husi Ai-nino ida ne’e mak bainhira ita hemu la tuir regulamentu ne’ebé iha no ita hemu barak liu bele hetan fali moras no bele lanu ita.

Konkluzaun

Ai-moruk tradisionál mak Ai-moruk ne’ebé mai husi natureza no ai-horis sira be moris iha ai-laran no to’os laran ne’ebé ema produz sai Ai-moruk hodi kura moras. Nune’e iha território Timor-Leste dala barak ema uza Ai-moruk tradisionál hodi kura moras tanbá Ai-moruk tradisionál fasil liu ba ema atu uza tan ema la hola ho osan no hetan de’it iha to’os no ai-laran. Tanbá Ai-moruk tradisionál dala barak kura ema nia moras barak ne’ebé mak ema hetan iha nia moris.

Ai-nino mós sai hanesan Ai-moruk tradisionál ida ne’ebé eziste iha ema nia moris hodi kura moras barak ne’ebé ema hetan mak hanesan moras estomagu, tensaun, diabetes, rins no seluk-seluk tan. Tan ne’e Ai-nino nia funsaun atu kura moras barak ne’ebé ema hetan iha nia moris. Nune’e husu ba ema  hotu nia kontribuisaun liu-liu iha Rai doben Timór-Leste atu haburas liután Ai-moruk tradisionál sira ne’ebé ita hatene no koñese presiza kuda iha to’os hodi tulun ema  iha momentu ne’ebé ema hetan moras.